काठमाडौं । अन्तर्राष्ट्रिय बजारमा कच्चा तेलको मूल्यमा भारी गिरावट आएको छ । रुस–युक्रेन युद्ध सुरु भएसँगै आकासिएको कच्चा तेलको मूल्य पछिल्लो एकसाता यता लगातार गिरावट आएको हो ।
मार्च ७ (फागुन २३)मा कच्चा तेलको मूल्य डेढ दशक यताकै उच्च प्रतिब्यारेल १३९ डलर पुगेको थियो । पछिल्लो दुई साता यता घट्न थालेको कच्चा तेलको मूल्य शुक्रबार यो समाचार तयार पार्दासम्म घटेर १०९ डलरमा झरेको छ ।
पछिल्लो दुई साताको अवधिमा कच्चा तेलको मूल्य प्रतिब्यारेल ३० डलर अर्थात् २१ प्रतिशत) घटिसकेको छ । युक्रेनमा रुसले युद्ध घोषणा गरेपछि कच्चा तेलको मूल्य बढ्न सुरु भएको थियो । युद्ध घोषणा भएको दिन (२५ फेब्रुअरी) प्रतिब्यारेल ९५ डलर थियो ।
नेपालमा पेट्रोलियम पदार्थ शतप्रतिशत विदेशबाट ल्याइन्छ । अन्तर्राष्ट्रिय बजारमा भाउ बढ्दा यहाँ पनि बढ्ने र घट्दा यहाँ पनि घट्ने गरेको छ ।
यद्यपि, बुधबार निगमलाई भारतबाट आएको पत्र अनुसार इन्धनको मूल्य उच्च रुपमा बढेर आएको । अन्तर्राष्ट्रिय बजारको मूल्य अनुसार नेपालमा पनि इन्धनको भाउ दिनदिनै घटबढ नहुने भएकाले तत्काल भाउ घट्ने देखिँदैन् ।
साथै, नेपाल आयल निमले अहिले पेट्रोलियम पदार्थमा ठूलो घाटा खाँदै बेचिरहेकाले अन्तर्राष्ट्रिय बजारमा भाउ घटे पनि नेपालमा तत्काल घट्ने सम्भावना कम देखिन्छ ।