काठमाडौं । कतारका राजकुमार शेख मोहमद विन अब्दुल्लाले आमादब्लम हिमालको सफल आरोहण गरेका छन् । पर्यटन विभागकी निर्देशक मिरा आचार्यका अनुसार राजकुमार शेख मोहमदसहितको टोली बुधबार बिहान ११ः२० मा अमादब्लम हिमालको चुचुरो पुगेको हो ।
उनीहरुलाई हिमालयन गाइड्स नेपालले हिमाल आरोहणको प्रवन्ध मिलाएको हो । विश्वकै सुन्दर तर आरोहणमा भने यो हिमाल कठिन मानिन्छ ।
आमादब्लम हिमाल आरोहण गर्न कतारका राजकुमारसहित अमेरिकन र क्यानेडियनको टोली दसैंको दिन काठमाडौंबाट लुक्ला पुगेको टोलीमा कुल १४ जना सदस्य रहेका छन् ।
कोरोना भाइरसले थलिएको नेपालको पर्यटनमा गल्फ मुलकबाट भएका उच्चस्तरीय आरोहणले ठूलो सहयोग गर्ने अपेक्षा लिइएको छ ।