कतार । कतार सरकारले कोरोनाको संक्तमण फैलन नदिन हजारौं कामदारलाई क्वारेन्टाइनमा राखेको छ । खासगरी संक्रमण देखिएको कम्पनीमा कार्यरत करीव ४ हजार कामदार क्वारेन्टाइनमा रहेको बताइएको छ ।
यहाँ काम गर्ने करीव २ हजार नेपाली पनि क्वारेन्टाइनमा बस्नु परेको छ । जोखिम क्षेत्रमा पर्ने चार कम्पनीमा कार्यरत कामदार क्वारन्टाइनमा बस्नु परेको हो ।
कतारले कामदारको मुख्य बसोबास स्थल औद्योगिक क्षेत्र सनैयास्थित क्याम्पलाई क्वारेन्टाइनमा रुपान्तरण गरेको छ ।
गत बिहीबारबाट कामदारलाई शिविर बाहिर ननिस्कन भनिएको छ । यहाँ आठ वटा भवनमा कामदारलाई राखिएको छ ।
डाक्टरले नियमित स्वास्थ्य चेकजाँच गरिरहेका छन् । उनीहरुलाई अस्पतालबाटै खानाको व्यवस्था गरिएको छ ।
कुनै पनि कामदार नभागुन भनेर सुरक्षा व्यवस्था भने कडा बनाइएको छ ।
पछिल्ला दिनमा खाडी र अरबी मुलुकहरुमा समेत कोरोनाको संक्रमण तिबरु रुपमा फैलिरहेको छ । यद्दपी इरान बाहेक अन्य मुलुकमा ज्यान भने गइसकेको छैन । कतारमा सार्वजनिक यातायात बन्द गरिएको छ ।
वायुसेवा कम्पनीहरुले सयौं उडान कटौती गरिसकेका छन् ।