काठमाडौं । सरकारले कतार र ग्वान्जाउमा हवाई उडान खुला गरेको छ । सोमबार बसेको मन्त्रिपरिषद् बैठकले यी दुई गन्तब्यको उडान खोल्ने निर्णय गरेको हो । अन्तर्राष्ट्रिय सड्युल उडान बन्द भएपछि कोभिड–१९ विरुद्ध स्वास्थ्य सामग्री र मानवीय आपूर्ति समेत रोकिएको भन्दै सरकारले दुई गन्तब्यको उडान खोल्ने निर्णय गरेको जनाएको छ ।
यद्दपी यी उडानमा नेपाली वा विदेशी यात्रुले टिकट काटेर आवतजावत गर्न सक्ने नसक्ने भने खुलाइएको छैन । सरकारले १७ जेठसम्म अन्तर्राष्ट्रिय उडान बन्द गरेको छ । यो बीचमा चार्टर्ड, कार्गो र मेडिकल उडान भने धमाधम भइरहेका छन् । उडान रोकिँदा वैदेशिक रोजगारीमा जानेहरु सबैभन्दा बढी प्रभावित बनेका छन् ।