काठमाडौं । काठमाडौंको कपनमा भिषण आगलागीमा परी ज्यान गुमाउने तीन जनाकै पहिचान खुलेको छ । प्रहरीका अनुसार ताप्लेजुङ घर भएका २७ वर्षका कासाङ तेञ्जी शेर्पा, सङ्खुवासभा घर भइ सुकेधारा बस्ने अशोक राई र काठमाण्डौ महानगरपालिका वडा नं २६ रानीबारी बस्ने २५ वर्षका छेवाङ शेर्पाको ज्यान गएको छ ।
ज्यान गुमाएकाको शव शिक्षण अस्पताल महाराजगञ्जमा राखिएको छ । आगलागीमा एक जना घाइते भएका छन् । घाइतेको चुनिखेलस्थित करुणा अस्पतालमा उपचार जारी छ । बुढानीलकण्ठ नगरपालिका– ११ कपनमा बुधबार बेलुका आगलागी भएको हो ।