टेस्सास । आइसिसी विश्वकप क्रिकेट लिग २ मा नेपाल पहिलो खेलमा ओमनसँग पराजित भएको छ । अमेरिकाको टेक्सासमा शुक्रबार विहान सम्पन्न खेलमा नेपाल ओमानसँग १३ रनले हारेको हो । ओमान, अमेरिका र नेपालबीचको यो त्रिकोणात्मक सिरिजमा ओमानले भने पहिलो जित निकाल्यो। करन केसीको उत्कृष्ट प्रदर्शनमा नेपालले बलिङमा ओमानलाई मध्यम योगफलमा रोक्न सफल भएको थियो । ५० ओभरमा ८ विकेट गुमाएको ओमनले २११ रन मात्र बनाउन सक्यो । २१२ रनको लक्ष्य पछ्याएको नेपाल २ बल खेल्न बाँकी छदा १९८ रनमै अलआउट भयो। नेपालका लागि आरिफ शेखले ६६ रन बनाए ।
ओपनरद्वय सुवास खकुरेल ३ रन र सुनील धमला १२ रनमा आउट भए। देव खनाल ३४ रन र रोहित पौडेल २० रन जोडेर आउट भए । दीपेन्द्रसिंह ऐरीले १६ रन र विनोद भण्डारीले १४ रन बनाए । करण केसी ८ रन, सोमपाल कामी १३ रन र कप्तान सन्दीप लामिछाने २ रन मात्र जोड्न सके । बलिङमा ओमानका जीशन मक्सूद र खावर अलीले ३(३ विकेट लिए। बलिङमा नेपालका करण केसीले ५ विकेट लिएका थिए । कप्तान सन्दीप लामिछानेले २ र सोमपाल कामीले १ विकेट लिए ।