काठमाडौं । कर्णाली प्रदेशका मुख्यमन्त्री महेन्द्रबहादुर शाहीविरुद्ध अविश्वासको प्रस्ताव ल्याउने प्रधानमन्त्री केपी शर्मा ओली पक्षका दुई जना मन्त्रीको आज जागिर जाँदैछ । उनीहरुलाई हटाएर मुख्यमन्त्री शाहीले मन्त्रिमण्डल हेरफेर गर्ने भएका छन् । थपिने दुई मन्त्री माधव नेपाल समूहका बन्ने भएका हुन् ।
किनकी यहाँ प्रचण्ड र माधव नेपाल समुह मिलेपछि मूख्यमन्त्री शाहीको पद जोगिएको हो । कर्णाली प्रदेशमा ओली एक्लिएका छन् । यसले केन्द्रिय राजनीतिमा समेत तरंग ल्याएको छ । नेपाली संचारमाध्यमहरुका अनुसार ओली पक्षका सामाजिक विकास मन्त्री दल रावल र उद्योग, पर्यटन तथा वन, वातावरणमन्त्री नन्दसिंह बुढा हट्ने छन् ।
भौतिक पूर्वाधार विकास मन्त्री खड्कबहादुर खत्री बैंकिङ कसुरमा परेपछि उनी समेत हटाइएका थिए । उक्त पदसमेत आर्ज पूर्ति हुने भएको छ । उनी समेत ओली पक्षका नेता थिए । नयाँ बन्ने मन्त्रीमा भने चन्द्रबहादुर शाही, करबिर शाही र अमरबहादुर थापा रहेको संचारमाध्यमले लेखेका छन् ।