अमृता के सी ( रोनी )
काठमाडौँ, श्रावण ९ ।काँग्रेस महासमिति सदस्य तथा समाजसेवी आत्माराम पौडेलले लक्ष्मी प्रतिष्ठान द्वारा संचालित कुमार बलराम छात्राबासलाई नगद तथा शैक्षिक सामाग्री हस्तान्तरण गरेका छन्।
शनिबार काभ्रे धुसेनी शिवालय स्थित छात्राबास पुगेर पौडेलले २० हजार नगद तथा ३० हजारको शैक्षिक तथा खेलकुद सामाग्री गरी ५० हजार रुपैयाँ बराबरको सहयोग गरेका हुन्। छात्राबास द्वारा आयोजित एक औपचारिक कार्यक्रममा पौडेलले नगद तथा शैक्षिक खेलकुद सामाग्री छात्राबासकी वार्डेन बिपना भुर्तेललाई हस्तान्तरण गरेका हुन् ।चितवनको अती विकट कान्दामा २०० सय चेपाङ विद्यार्थीलाई आफ्नै छात्राबासमा राखेर निशुल्क पठनपाठन गर्दै आएको प्रतिष्ठानले कान्दाबाट माध्यामिक स्तरमा पुगेका विद्यार्थीलाई भने काभ्रेको धुसेनीस्थित छात्राबासमा राखेर निशुल्क अध्यापन गराउदै आएको छ ।धुसेनीको छात्राबासमा बसेर हाल ५१ जना विद्यार्थी निशुल्क अध्यन गरिरहेका छन् । साबिक कपन गा बि स का पूर्व अध्यक्ष पौडेल यस अगाडि पनि विभिन्न सामाजिक कार्यहरुमा सहयोग गर्दै आएका छन् ।धुसेनी शिवालयमा आयोजित सहयोग हस्तान्तरण कार्यक्रममा छात्राबासमा बसोबास गर्दै आएका विद्यार्थीले शैक्षिक तथा खेलकुद सामाग्री लिएर पुगेको समाजसेवी पौडेलको सम्पूर्ण परिवारलाई स्वागत गर्दै धन्यवाद ज्ञापन गरेका थिए ।
