काठमाडौं । प्रतिनिधिसभाको बैठक आगामी बुधबारसम्मका लागि स्थागित भएको छ । संसद सचिवालयले सूचना टासी बुधवार १ बजेसम्मका लागि संसद स्थगित भएको बताएको हो । प्रमुख प्रतिपक्षी नेपाली काङ्ग्रेसले आज संवैधानिक परिषद् सम्बन्धी अध्यादेश फिर्ता हुनुपर्ने माग गर्दै नाराबाजी गरेको छ । त्यसपछि बैठक १० मिनेटका लागि स्थगित भएकोमा सूचना टासी बुधबारसम्म स्थगित गरिएको हो ।
कांग्रेसको निर्णयमा जनता समाजवादी पार्टीले पनि काङ्ग्रेसलाई साथ दिएको छ । पुनर्स्थापित प्रतिनिधिसभाको पहिलो बैठक प्रचण्ड-माधव नेपाल समूहका सांसदहरूले बहिष्कार गरेका थिए। नेकपाका नेताहरुले सर्वोच्च अदालतले संसद् पुनर्स्थापित गरेसँगै सरकारले वैधानिकता गुमाएको भन्दै पहिलो बैठकमा अध्यादेश सहितका कार्यसूची राख्न नहुने माग गरेका थिए ।