काठमाडौं । नेपाली कांग्रेसको सभापति निर्वाचनको मतगणना आजै राती हुने भएको छ । कांग्रेसको नेतृत्व चयनका लागि अहिले मतदान भइरहेको छ । दोस्रो चरणमा भएको मतदानको गणना मंगलबार राति १० बजेपछि गर्ने तयारी छ । पहिलो चरणमा कुनै पनि उमेदवारले ५० प्रतिशत मत कटाउन नसकेपछि दोस्रो चरणको मतदान भएको हो ।
सभापतिका लागि शेरबहादुर देउवा र शेखर कोइराला भिडिरहेका छन् । पहिलो चरणमा देउवाले २२५८ मत र कोइरालाले १७०२ मत पाएका थिए । दोस्रो चरणमा देउवालाई पहिलो चरणका अन्य प्रत्यासी प्रंकाशमान सिंह, विमलेन्द्र निधि र कल्याण गुरुङले समेत समर्थन गरेका छन् । शेखर एक्लै भिडेका छन् ।