पोखरा । व्यापारिक पृष्ठभूमीका सांसद सूर्यबहदुर केसीको निधन भएको छ । उनी प्रतिनिधिसभामा नेपाली कांग्रेसबाट प्रतिनिधित्व गर्थे । कास्कीबाट प्रतिनिधित्व गरेका सांसद केसीको सोमबार राति १०ः३० बजे निधन भएको नेपाली संचारमाध्यमले उल्लेख गरेका छन् । उनको मंगलबार अन्तिम संस्कार हुने भएको छ ।
उनी २०७४ सालमा राप्रपाबाट नेपाली कांग्रेसमा आएका थिए । उनलाई नेपाली कांग्रेसले आमन्त्रित केन्द्रीय सदस्य बनाएको थियो । ६५ वर्षीय केसी मिर्गौलाको समस्यासँग जुधिरहेका थिए । सोमबार अचानक रक्तचाप कम भएको र ज्यान गएको बताइएको छ । उनले संसदमा राप्रपाको तर्फबाट पनि प्रतिनिधित्व गरिसकेका छन् ।