काठमाडौं । काठमाडौं महानगरपालिकाका मेयर बालेन शाह र धरान उपमहानगरका मेयर हर्क सम्पाङबीच सामाजिक सञ्जालमा घोचपेच ब्याटल भएको छ । सम्पाङले बुधबार साँझ फेसबुकमा ‘आफू काठमाडौं नगएको भए फोहोर उठ्ने थिएन रैन्छ’ भन्दै स्टाटस लेखे । उनको पोष्टमा बालेनले प्रतिक्रिया दिएका छन् । उनले सम्पाङकै शैलीमा लेखे, ‘हो नि ‘ तपाईकै लौरो चुनाव चिह्न लिएर मैले चुनाव पनि त जितेको हो नि ।’
साम्पाङले सडकमा थुप्रिएको फोहोरबारे निरन्तर घोचपेच गरिरहेका छन् । उनले काठमाडौंमा खाल्डाखुल्डीको सडक भए पनि धरान नै सफा भएको भन्दै काठमाडौंको विजोग देख्दा श्रमदान गर्न मन लागेको समेत लेखेका थिए । बालेनले सुझावलाई आलोचनाका रुपमा लिएको बारे समेत साङपाङले अर्को स्टाटस लेखेका छन् । त्यसमा भने बालेनले थप प्रतिक्रिया दिएनन् ।