काठमाडौं । काठमाडौंको कपनस्थित मिलन चोकमा ढलमा खसेका एक बालक बेपत्ता भएका छन्। बेपत्ता बालकको पहिचान नखुलेको प्रहरीले बताएका छ । बुढानीलकण्ठ नगरपालिका वडा नम्बर १० र काठमाडौं महानगरपालिका वडा नम्बर ६ को सीमानामा रहेको मिलनचोक तरकारी बजार नजिकैको ढलमा एक बालक खसेका हुन् ।
मंगलबार राति साढे आठ बजेतिर बालक ढलमा खसेको महानगरीय प्रहरी प्रभाग कपनले जनाएको छ । स्थानीयले बालक खसेको देखेपछि प्रहरीमा खबर गरेका थिए । बालकको खोजी गर्न सामाखुसीबाट प्रहरी निरीक्षकको कमाण्डमा विपद व्यवस्थापनको टोली खटिएको थियो। टोलीले वरिपरिका सबै ढलमा खोजे पनि बालकलाई फेला पार्न सकेको छैन ।