काठमाडौंको बानियाँटारमा आगलागी हुँदा एक जनाको मृत्यु

काठमाडौं । काठमाडौंमा आगलागीबाट एक जनाको मृत्यु भएको छ। टोखा नगरपालिका-१० बानियाँटार हाईटस्थित ३५ वर्षीय खेम नारायण चालिसेको घरमा भाडामा बस्ने दोलखा कालिञ्चोक गाउँपालिका-२ घर भएका २१ वर्षीय किरण बुढाथोकीको आगलागीमा जलेर मृत्यु भएको प्रहरीले जनाएको छ।
किरणको कोठामा गएराति आगलागी हुँदा जलेर गम्भीर घाइते भएका उनको त्रिबि शिक्षण अस्पताल महाराजगंजमा उपचारको क्रममा मृत्यु भएको हो।