काठमाडौं । प्रहरीले काठमाडौबाट पेस्तोलसहित ४ जना व्यक्ति समातेको छ । बुधबार शम्भुमार्गस्थित एभरेष्ट होलिडे इन होटलमा सर्च गर्दा पेस्तोल भेटिएको रानी पोखरी प्रहरी प्रभागले जानकारी दिएको छ ।
पक्राउ पर्नेमा बालुवाटार बस्ने उदयपुर कटारीका भीम सुर्खेती, लाजिम्पाट बस्ने सिन्धुलीका भीमबहादुर माझी, बल्खु बस्ने सिन्धुलीकै प्रदीप माझी र सीतापाइला बस्ने लोकेन्द्रबहादुर आले रहेका छन् ।
उनीहरुको साथबाट एक थान पेस्तोल, एक थान म्यागजिन, पेस्तोलमा लाग्ने ६ राउण्ड गोली बरामद भएको प्रहरीले जनाएको छ । पक्राउ परेकाबारे थप अनुसन्धान भइरहेको प्रहरीको भनाई छ ।