काठमाडौं । रञ्जु दर्शना काठमाडौं क्षेत्र नम्बर ५ बाट प्रतिनिधि सभा निर्वाचनमा उठ्ने भएकी छिन् । उनले फेसबुकमार्फत यस्तो घोषणा गरेकी हुन् । उनले काठमाडौं क्षेत्र नम्बर ५ बाट प्रतिनिधि सभा सदस्यका लागि प्रतिस्पर्धामा उत्रिने औपचारिक घोषणा गर्न पाउँदा हषिर्त भएको उल्लेख गरेकी छन् । काठमाडौंमा क्षेत्र नं १ र ५ सबैभन्दा बढी चर्चित उम्मेदवारहरुले प्रतिस्पर्धा गर्ने क्षेत्र मानिन्छ । किनकी यहाँ रैथाने भन्दा धेरै बसाई सेर आएका मतदाताको बाहुल्य छ ।
यो एमालेका वरिष्ठ उपाध्यक्ष इश्वर पोखरेलले जितेको क्षेत्र हो । मानुषी यमी भट्टराई समेत क्षेत्र नं. ५ बाट चुनाव लड्ने तयारी गरिरहेकी छिन् । २०७४ सालमा इश्वर पोखरेलले जित्दा यो क्षेत्रबाट नेपाली कांग्रेसका नेता प्रकाशशरण महत र विवेकशील नेपाली दलका स्वर्गीय उज्ज्वल थापा समेत प्रतिस्पर्धामा थिए ।