मान्मा । कालिकोटमा पहिरोले एक घर पुरिदा ६ जनाको ज्यान गएको छ । कालिकोटको महाबै गाउँपालिका वडा नम्बर ३ नकु नामक स्थानमा पहिरोले ठूलो मानवीय क्षति निम्त्याएको हो । गतराति आएको पहिरोले वडा सद रजबहादुर विष्टको घर पुरिएको प्रहरीको भनाई छ ।
पहिरोमा घर पुरिँदा वडा सदस्य विष्टका दुई छोरा, दुई छोरी र उनका दाजु डिल बहादुर विष्टका दुई छोरी पहिरोमा परेका छन् । अहिले उद्धारको काम भइरहेको प्रहरीले जनाएको छ । नेपालमा मनसुन अन्तिम चरणमा छ । तर, पछिल्लो २४ घण्टामा आएको वर्षाले पहिरो जाँदा मानवीय क्षति बढी देखिएको छ ।