न्युयोर्क
किराँत याक्थुङ चुम्लुङ अमेरिकाको नवौं महाधिवेशनले आगामी ( २०२३- २०२५ ) २ बर्षे कार्यकालको निमित्त दिपक थेबे लिम्बुको नेतृत्वमा २६ सदस्यीय कार्य समिति चयन गरेको छ । आज सम्पन्न भएको महाधिवेशनको खुलासत्र निवर्तमान अध्यक्ष सुमन थाम्सुहाङले अध्यक्षता गरेका थिए भने महासचिव सुर्य लिङ्देनले चुम्लुङको प्रगति प्रतिवेदन र आर्थिक प्रतिवेदन प्रस्तुत गर्दै उक्त कार्यक्रम संचालन गरेका थिए ।कार्यक्रममा हालै मात्र पहिचानको आन्दोलनमा सहादत प्राप्त गरेका सहिद लाजेहाङ लिम्बु उर्फ पदम लिम्बुको फोटोमा माल्यार्पण गरीएको थियो । कार्यक्रममा लोक चेम्जोङ, पुर्ण थेबे, दिपेश खाम्बेक र देबेन्द्र सम्बाहाङ्फेले पहिचानको मुद्धामा चुम्लुङ अमेरिकाले खेल्ने महत्वपूर्ण भूमिकाको बारेमा आफ्नो भनाई राखेका थिए । मुनिन्द्र नेम्बाङ प्रमुख दिपेश लिम्बु र वीरेन्द्र लाबुङ सदस्य रहेको निर्वाचन समितिले निर्वाचित कार्य समितिका पदाधिकारीहरुलाई प्रमाणपत्र प्रदान गरी सफल कार्यकालको शुभकामना दिएका थिए ।
चुम्लुङको नयाँ कार्य समितिमा अध्यक्ष दिपक थेबे, बरिष्ठ उपाध्यक्ष सरोज थाङ्देन, उपाध्यक्षहरु बिबस माङ्मु ( म्यासाचुसेट्स ), निलम जबेगु ( न्युयोर्क ), पुर्ण कुबेर थक्लुङ ( मेरील्याण्ड ), महासचिव बिमल चेम्जोङ, सह- सचिवहरु बन्दना तुम्बाहाङ्फे, घनेन्द्र माबो ( मेरील्याण्ड ) र कोषाध्यक्ष निर्मला कन्दङ्वा चोङ्बाङ, सहकोषाध्यक्ष जीवन खजुम चयन भएका छन् त्यस्तै सदस्यहरु क्रमश दिक्षा जबेगु ( न्युजर्सी ), सागर हाङसरुम्बा, केपी शेर्मा, निरु थेबे ( न्युजर्सी ), नविना मादेन, धन योङहाङ, सन्तोष लाबुङ, सरस्वती कन्दङ्वा, सजना लिम्बु, सुर्य थेबे ( मेरील्याण्ड ), किर्तन लिम्बु ( मेरील्याण्ड ), सोनिया फागो यकयक ( मेरील्याण्ड ), सुरेन्द्र थेगिम ( ओहायो ), त्रिमेन माबो ( मेरील्याण्ड ), बिपिन बिक्रम नेम्बाङ ( भर्जिन्या ) र साबि लिङ्देन (न्युयोर्क) लाई चयन गरेको छ ।