कीर्तिपुरमा सुचित्रा श्रेष्ठको नेतृत्वमा नमुना महिला समूह गठन

कीर्तिपुर

कीर्तिपुरमा युवा समुहले सुचित्रा श्रेष्ठको नेतृत्वमा ‘तुँचुक मिसा पुच’ समूह गठन गरेका छन् जस्मा युवा महिलाको सहभागिता धेरै छ । कलेज पढाउँदै गरेका, स्कुलका शिक्षिका भइरहेका, अधिवक्तादेखि लिएर विभिन्न पेशामा संलग्न भइरहेका शिक्षित महिलाहरु संलग्न भएको यो महिला समूहलाई कीर्तिपुरकै नमुना महिला समूहको रुपमा लिन थालिएको छ ।
कीर्तिपुरको रिङ्गरोडसँग जोडिएको एक मात्र ऐतिहासिक चोकको नाममा गठित यस समूहको उद्देश्य महिलाहरुलाई उद्यमी बनाउने नै हो ।
पचास महिलाहरुबाट सुरु भएको यो महिला समूहमा हवातै संख्या बढेर अहिले सदस्यहरुको संख्या सय पुगेको छ । यस्तै सहभागिता बढदै गएको खण्डमा अन्य व्यवसायका साथसाथै बचत तथा ऋण सहकारीसम्म पुग्ने लक्ष्य राखेको यो समूहमा सुचित्रा श्रेष्ठले नेतृत्व गरेकी छन् । त्यस्तै उपाध्यक्षमा लक्ष्मी श्रेष्ठ, सचिवमा सबिना श्रेष्ठ रहेका छन् ।
तुँचुक मिसा पुच अहिले धेरै सञ्चार माध्यमको पनि चासो विषय बनेको छ ।