कुवेत । कुवेतमा अब दिउँसोको चर्को घाममा श्रमिकलाई काममा लगाउन नपाइने भएको छ । यसले श्रमिका रुपमा त्यहाँ जाने नेपालीलाई समेत राहत हुनेछ । अत्यधिक तापक्रमबाट श्रमिकलाई बचाउन भन्दै आउँदो जुन १ देखि कुवेतले दिउँसोको समयमा सिधै घाम पर्ने खुल्ला ठाउँहरूमा काम गर्न रोक लगाउने निर्णय गरेको छ ।
अगस्ट अत्यसम्म सबै कम्पनीले यसको पालना गर्नु पर्ने भएको छ । बिहान ११ बजेदेखि दिउँसो ४ बजेसम्म खुल्ला ठाउँमा काम गर्न नपाइने गरि नियम बनेको हो । नेपालको चिसो हावापानीबाट विदेश पुगेका धेरैजना एक्कासी चर्को घाममा काम गर्नुपर्दा रोगको शिकार हुने गरेका छन् । यसबाट सुतेकै स्थानमा ज्यान गुमाउनेहरुको संख्या बढिरहेको छ ।