कुवेतमा एक नेपालीको मृत्यु

कुवेत । वैदेशिक रोजगारीका सिलसिलामा कुवेत पुगेका एक नेपालीको ज्यान गएको छ । त्यहाँस्थित नेपाली दूतावासका अनुसार कपिलवस्तुका ३० वर्षीय यम ठकुरीको उपचारको क्रममा कुवेतको आदान अस्पतालमा ज्यान गएको हो । उनी उच्च रक्तचापका कारण पिडित थिए । उनको शुक्रबार मृत्यु भएको हो । ७ वर्षदेखि कुवेतमा कार्यरत उनी कुन कम्पनीमा थिए भन्ने चाँही खुलेको छैन । ठकुरीको शव उनको परिवारसँग समन्वय गरेर नेपाल पठाइने दूतावासको भनाई छ ।