कुवेत । कोरोना महामारी फैलिएपछि कुवेतले मुलुक प्रवेशमा लगाएको प्रतिबन्ध हटाएको छ । यसले नेपाली कामदार समेत लाभान्विन हुने भएका छन् । नेपालसहित ८ मुलुकका नागरिकले कुवेतले अझै प्रवेश अनुमति दिएको थिएन । प्रतिबन्ध फुकुवा भएपछि आगामी मार्च २५ तारिखबाट नेपालसहित बहराइन, युएई, भारत, फिलिपिन्स, बङ्गलादेश, श्रीलंका र टर्की लगायतबाट विदेशी श्रमिक कुवेत जान सक्ने भएका हुन् ।
कुवेत जानु अगाडी कोरोना पीसीआर परिक्षण गरी नेगेटिभ रिर्पोट भने आएको हुनुपर्छ । यस्तो अवधि ७२ घण्टाको तोकिएको छ । पीसीआर रिपोर्टमा कोरोना रिपोर्ट नेगेटिभ आएपनि ज्वरो र रूघाखोकीको लक्षण देखिए पनि कुवेतले प्रवेश दिने छैन । कुवेतले आगामी सेप्टेम्बरपछि भने कोरोना विरुद्धको खोप नलगाएका आप्रवासी कामदारको आवासीय अनुमति पत्र समेत नविकरण नगर्ने भएको छ । कुवेतमा कोरोना खोप नि:शुल्क दिइएको छ ।