काठमाडौं । बैंकिंग क्षेत्रमा सरकारी जागिर खाने गरी अध्ययन गरिरहेका विद्यार्थीलाई खुसीको खबर छ । आज कृषि विकास बैंक लिमिटेडले खुला तथा समावेशी प्रतियोगितात्मक परीक्षाबाट पदपूर्ति गर्ने गरी एक साथ ३२६ जनाका लागि जागिर खुलाएको छ ।
बैंकले वरिष्ठ शाखा प्रमुख, शाखा प्रमुख, वरिष्ठ लेखा अधिकृत, वरिष्ठ ईञ्जिनियरसहितका पदमा अधिकृत र विभिन्न पदमा सहायक पदमा कर्मचारी भर्ना गर्न लागेको हो । आज प्रकाशित दरखास्त आह्वान अनुसार परिक्षार्थीले अनलाइनबाट समेत दरखास्त दिन सक्ने भएका छन् । माघ ९ गतेदेखि २९ गतेसम्म दरखास्त दिन सकिने गरी आह्वान गरिएको छ ।