कैलाली । कैलालीमा भारतीय तस्कर समूह र प्रहरीबीच गोली हानाहान भएको छ । कैलालीको भजनी नगरपालिका मोरियाघाटस्थित नेपाल–भारत सीमा नाकामा सोमबार साँझ लागुऔषध भित्रन लागेको सूचनापछि चनाखो बसेको प्रहरीमाथि भारतीय तस्करले गोली चलाएका थिए ।
त्यसपछि प्रहरीले जवाफी फायर खोलेको स्थानीय संचारमाध्यमले जनाएका छन् । लागुऔषध भित्रन लागेको सूचना पाएसँगै इलाका प्रहरी कार्यालय मालाखेतीबाट प्रहरीको ठूलो समुह नाकामा खटिएको थियो । जिल्ला प्रहरी कार्यालय कैलालीका अनुसार भाला र पेस्तोलसहित तस्कर आएको सूचना प्रहरी समक्ष पुगेको थियो ।
तस्कर समूहसँग जम्काभेट हुँदा फायरिङ भएको हो । बब्लु सिंहसहितका तीन जना तस्करबाट एक राउण्ड गोली चलेको बताइएको छ । यो घटनामा भारत उत्तर प्रदेश, लखिमपुरखिरी जिल्ला तिकुनियाका निज सिंह घाइते भएका छन् । अन्य तस्कर भने भारततर्फ भागेको प्रहरीले जनाएको छ । बरामद भएको प्रहरीले बताएको छ ।