कैलाली । कैलालीमा ट्याक्टर र मोटरसाइकल एक आपसमा ठोक्किएर भएको दुर्घटनामा २ जनाको ज्यान गएको छ । कैलाली प्रहरीका अनुसार घोडाघोडी नगरपालिका १० पहलमानपुरमा शनिबार राति ११ बजे पूर्वपश्चिम राजमार्गमा पश्चिमबाट पूर्व गइरहेको म १ त ५४२ नम्बरको ट्याक्टर र सोही दिशातर्फ गइरहेको बा ९१ प ४०४ नम्बरको मोटरसाइकल ठोक्किएका थिए ।
मृत्यु हुनेमा मोटरसाइकलमा सवार घोडाघोडी नगरपालिका १० का २३ वर्षीय गोविन्द बुढा र १८ वर्षीय मानबहादुर बुढा रहेको प्रहरीले जनाएको छ । उनीहरुको स्थानीय घोडाघोडी अस्पतालमा उपचारको क्रममा ज्यान गएको हो ।
ट्याक्टर चालक घोडाघोडी नगरपालिका ५ का २१ वर्षीय रामसिंह चौधरीलाई प्रहरीले नियन्त्रणमा लिएको छ । अत्यधिक गतिमा रहेका कारण दुर्घटना भएको प्रहरीको अनुमान छ ।