लण्डन । कोरोना भाइरसको संक्रमणबाट गम्भीर बिरामी भएका बेलायती प्रधानमन्त्री बोरिस जोनसनले कोरोनालाई परास्त गर्न सफल भएका छन् ।
अन्ततः उनी उपचारपछि अस्पतालबाट डिस्चार्ज भएका छन्। यसअघि एक साता अगाडी उनीलाई अस्पताल भर्ना गरिएको थियो ।
तीन दिन सम्म उनलाई लन्डनको सेन्ट थोमस अस्पतालमा आइसियूमा राखेर उपचार गर्नु परेको थियो । निको भएपनि उनी केही दिन भने आराम गरी घरमै बस्ने भएका छन् ।
स्वास्थ्य टिमको सल्लाह अनुसार उनले काममा जान दिन तय गर्ने भएका छन् ।
पछिल्लो दिनमा बेलायतमा कोरोनाको संक्रमण तिब्र रुपमा भइरहेको छ । उनले सेन्ट थोमस अस्पतालबाट पाएको हेरचाहका लागि धन्यवादसमेत व्यक्त गरेको संचारमाध्यमले जनाएका छन्।
कोरोना भाइरसको संक्रमण पुष्टि भएपछि चैत १४ देखि जोनसोन आइसोलेसनमा बसेका थिए।
त्यसको १० दिनसम्म पनि भाइरसका लक्षण निरन्तर देखिएपछि उनलाई चैत २३ गते आइतबार अस्पताल भर्ना गरिएको थियो ।