काठमाडौं । कोरोना भाइरसको महामारीका कारण दक्षिण कोरियामा बेरोजगारी बढेको छ । पछिल्लो डिसेम्बरदेखि कोरना माहामारीको तेस्रो लहर फैलिएको कोरोनामा जनवरी भित्रै ९ लाख ८२ हजारले रोजगारी गुमाइसकेको सरकारी तथ्यांक सार्वजनिक भएको छ । एकै महिनामा रोजगारी गुमेको यो सङ्ख्या पछिल्लो २३ वर्ष यताकै सबैभन्दा बढी हो ।
कोरियाको एक सरकारी तथ्याङ्कअनुसार वर्षको पहिलो महिनामै करीब १० लाख रोजगारी कटौती गरिएको हो । कोभिड १९ का कारण सरकारले पारेको कडा सामाजिक दूरीका कारण रोजगारी गुमाउनेमा साना तथा मझौला कम्पनीमा काम गर्ने कामदार सबैभन्दा बढी कटौतीमा परेको बताइएको छ ।
होटेल रेस्टुरेन्ट तथा अन्य मनोरञ्जन स्थलमा काम गर्ने अधिकांश कामदारले रोजगारी गुमाएका छन्। कोरोना महामारीकै कारण हालसम्म रोजगारी गुमाउनेको सङ्ख्या २५.८ मिलियन पुगेको समेत बताइएको छ ।
अहिलेसम्म सेवा क्षेत्रमा रोजगारी गुमाउनेको सङ्ख्या आठ लाख ९८ हजार छ । आंशिक समय काम गर्ने पाँच लाख ६३ हजारले रोजगारी गुमाएको तथ्यांक छ । दैनिक ज्यालादारीमा काम गर्ने दुई लाख ३२ हजारले रोजगारी गुमाएको तथ्यांक आएको छ । स्वरोजगार एक लाख ५८ हजारले रोजगारी गुमाएका छन् ।
कोरोना महामारीका कारण गुमेको रोजगारीको असर नेपाली कामदारलाई समेत पुगेको छ ।