स्पेन । स्पेनले कोरोना भाइरसको परीक्षणमा सबैभन्दा एडभान्स प्रविधि भित्राएको छ । बीबीसीका अनुसार अब यो मुलुकमा पिसिआर परीक्षणको नतिजा १५ मिनेटै आउनेछ । कतिपय मुलुकमा नतिजा ढिला आउँदा समेत संक्रमण फैलिरहेको सन्दर्भमा यो प्रविधि संक्रमणको फैलावट रोक्न फलदायी हुने विश्वास लिइएको छ ।
स्पेनमा दोस्रो पटक कोरोनाको लहर प्रारम्भ भएको छ । १५ मिनेटमा आएको नतिजा ९५ प्रतिशत सही भएको स्पेनका स्वास्थ्य अधिकारीहरुको दावि छ । यो मुलुकमा अहिलेसम्म ८ लाख १० हजारमा कोरोना पुष्टि भएको छ ।
३२ हजारको ज्यान गइसकेको छ । यहाँ २४ घण्टामा साढे ३ हजार नयाँ सङ्क्रमित थपिएका छन् । यसबीचमा १ सय १३ जनाको ज्यान गएको तथ्यांक छ ।