क्यालिफोर्निया । अमेरिकाको क्यालिफोर्नियामा अन्धाधुन्ध गोली चल्दा कम्तिमा ६ जनाको मृत्यु भएको स्थानीय संचारमाध्यमले पुष्टी गरेका छन् । घटनामा १२ जना घाइते भएका छन् । क्यालिफोर्निया राज्यको राजधानी सेक्रामेन्टोको रेष्टुरेन्ट र बारहरु रहेको व्यस्त इलाकामा स्थानीय समय अनुसार आइतबार बिहान गोली चलेको हो । गोली चलेपछि प्रहरीले जवाफी कारबाही गरेको समाचारमा उल्लेख छ ।
घटनामा संलग्नको पहिचान नभएको र अनुसन्धान भइरहेको प्रहरीको भनाई छ ।
अमेरिका बैधानिक हतियार राख्न पाउने मुलुक हो । तर, यस प्रांवधानका कारण यहाँ वर्षेनी ४० हजार भन्दा बढी मानिसको ज्यान जाने गरेको तथ्यांक रहेको छ । जसमा आफ्नै हतियार प्रयोग गरि आत्महत्या गर्नेसको संख्या समेत जोडिन्छ । पछिल्लो समय हतियारको वैधानिकतालाई लिएर यहाँ बहस समेत प्रारम्भ भएको छ ।