शान्तिराज राई न्युयोर्क
गाराचा किराँतको रचना एवम्अभिनय रहेको “घर फर्क साथी हो” बोलको म्युजिक भिडियो आमा पदम कुमारी चाम्लिंग फ्लिमस मार्फत बजारमा सार्वजनिक भएको छ । अमेरिकाको व्यस्त जीवनशैलीका वावजुद पनि समाजसेवी किराँतले विभिन्न समयमा नेपाली गीत संगीतप्रति समर्प्रित हुँदै आएका छन । यही क्रममा स्वदेशको माया हुदाँहुदै आफ्नो परिवार, प्रेमीप्रेमिका छाडेर विदेशीनुको पिडालाई गीतको माध्यामबाट उजगार गर्न खोजेका छन । उनले गीत मार्फत विदेशीएका नेपालीहरूलाई स्वदेश फर्कन आग्रह गरेका हुन ॥
अमेरिकाको न्युयोर्कमा रहेर समाजसेवामा व्यस्त गाराचाको यही फ्राइडे “घर फर्क साथी हो” बोलको गित सार्वजनिक भएको हो ।
“घर फर्क साथी हो” गायक देवेश राई र आशिष ताम्राकारको स्वरसंगै आशिष ताम्रकारकै संगीतमा तयार गरिएको हो । उक्त गीतको एरेंज, महाराज थापा मिक्स मास्टरिंग मित्र लामाको रहेकोछ ।
यो गीतको म्युजिक भिडियोमा शम्भु मोक्तान र श्याम तमांगको छायाँकन, भरत रेग्मीको सम्पादन, यस गीतकै गीतकार गणेश राई गाराचा किराँतको निर्देशन रहेको छ। गीतको भिडियोमा गाराचा किरात, रोशन राई, शौरभ राई, अनुशा जीरेल लगायतको अभिनय रहेको छ ।