काठमाडौं । रुसको भिषण आक्रमणका बीच युक्रेनमा ठूलो मानवीय क्षति हुने आंकलन गरिएको छ । युक्रेनको जनसंख्या चार करोड रहेको छ । रुसी राष्ट्रपति भ्लादिमिर पुटिनको आदेशपछि सेनाले युक्रेनको धेरैजसो सीमा क्षेत्रबाट आक्रमण गरेको छ । रुसी फौज राजधानी किएभ नजिकै आएको छ । जसलाई युक्रेनको सेनाले प्रतिरोध गरिरहेको अन्तर्राष्ट्रिय संचारमाध्यमले लेखेका छन् ।
युक्रेनका राष्ट्रपति भोलोदिमिर जेलेन्स्कीले देश छाड्न अश्विरकार गर्दै त्यहाँका जनतालाई रुसविरद्ध प्रतिकारमा उत्रन प्रोत्साहित गरिरहेका छन् । तर, उनले अपेक्षा अनुसार अन्तर्राष्ट्रिय सहायता भने पाउन सकेका छैनन् । युक्रेनलाई युद्धमा होमिन उक्साइरहेको अमेरिका मौन बसेको छ । गत राति राष्ट्रपति स्वयमःलाई रुसले पक्राउ गर्न खोजेको थियो । जसलाई त्यहाँको सेनाले असफल बनाएको छ ।
उनलाई अमेरिकाले युक्रेनबाट उनलाई उद्धार गर्ने प्रस्ताव गरेको थियो । युक्रेनका स्वास्थ्यमन्त्रीले सार्वजनिक गरेको विवरण अनुसार रुसको आक्रमणयता १९८ जना युक्रेनी नागरिकको मृत्यु भएको पुष्टी भइसकेको छ । युक्रेनले आक्रमणमा सम्मिलित ३,५०० भन्दा बढी रुसी सैनिकको मृत्यु भएको र झन्डै २०० जनालाई बन्दी बनाइएको दाबी समेत गरेको छ। यसको भने पुष्टी भइसकेको छैन ।