चार मुलुकका लागि नयाँ राजदूत सिफारिस

काठमाडौं । सरकारले विभिन्न चार मुलुकका लागि नयाँ राजदूत सिफारिस गरेको छ । बिहीबार बसेको मन्त्रीपरिषद् बैठकले राजदूत नियुक्तिका लागि नाम सिफारिस गरेको प्रधानमन्त्री तथा मन्त्रीपरिषद् कार्यालय स्रोतले जानकारी दिएको छ ।

बैठकले बंगलादेशका लागि वंशिधर मिश्र, कतारका लागि नारद भारद्वाज, अष्ट्रेलियाका लागि महेशराज दाहाल र स्पेनका लागि आङफुटी शेर्पाको नाम सिफारिस गरेको हो ।

संसदीय सुनुवाई प्रक्रिया पार गरेपछि उनीहरु राजदूतमा नियुक्त हुने प्रावधान रहेको छ । संसदीय सुनुवाई विशेष समितिले सुनुवाईको काम गर्छ ।