काठमाडौं । चार मुलुक सहभागी रहेको क्रिकेट सिरिज आजबाट शुरु हुँदैछ । आईसीसी टी २० विश्वकप ग्लोबल क्वालिफायर अगाडी यो सिरिज हुन लागेको हो । ओमानको घरेलु मैदान मस्कटस्थित अल अमिरातमा दिउँसो ३ः४५ बाट खेल सुरु हुनेछ । नेपालमा हिमालय टिभिबाट खेल प्रत्यक्ष हेर्न सकिे छ । नेपाल, ओमान, आयरल्याण्ड र युएई सिरिजमा खेल्दैछन् । सबै टीमले एक अर्का मुलुकविरुद्ध एक एक खेल खेल्ने कार्यक्रम रहेको छ ।
चार वटै टिम ग्लोबल क्वालिफायर ए मा रहेका छन् । क्वालिफायर ए मा रहेका ८ टिमलाई दुई समूहमा विभाजन गरिएको छ । जसमा नेपाल, ओमान, क्यानडा र फिलिपिन्स समूह ‘ए’ मा तथा आयरल्याण्ड, युएई, बहराइन र जर्मनी समूह ‘बी’ मा छन् । क्वालिफायरमा समेत नेपालले पहिलो खेल ओमानसँग छ । आजको खेलबाट कप्तान सन्दीप लामिछानेले कप्तानीमा डेब्यू गर्दैछन् ।