काठमाडौं । चिनियाँ अर्बपति तथा विश्वप्रख्यात व्यवसायी ज्याक माले नेपालसहित एसियाका ९ मुलुकलाई कोरोना विरुद्ध लड्न सहयोग गर्ने भएका छन ।
उनले ९ एसियाली मुुलुकलाई कोरोना भाइरससँग जुझ्न आवश्यक स्वास्थ्य सामग्री सहायता उपलब्ध गराउने घोषणा गरेका हुन् ।
उनका अनुसार १० लाख मास्क, २ लाख १० टेष्ट किट, ३६ हजार सुरक्षा पोसाक, केही भेन्टिलेटर र थर्मोटिर यी मुलुकका लागि सहायताको घोषणा उनले गरेका हुन् ।
शनिबार विहान ट्वीट गरेका थिए । उनले यी सामान पुर्याउन सहज नभए पनि सम्पन्न गरिने उल्लेख गरेका छन् ।
उनका अनुसार नेपालसँगै अफगानिस्तान, बंगलादेश, कम्बोडिया, लाओस, माल्दिभ्स, म्यानमार, पाकिस्तान र श्रीलंकाले यो सहायता पाउने भएका छन् ।
यसअघि माले अमेरिकामा स्वास्थ्य सामग्री सहायता पठाएका थिए । उनी एसियाका सबैभन्दा धनी व्यापारी हुन् ।