काठमाडौं\एजेन्सी । चीनको अन्तरिक्ष यान मंगल ग्रहमा सफल अवतरण भएको छ । अब मंगल ग्रहमा यान पुर्याउन सफल अमेरिकापछि दोस्रो स्थानमा चीन पुगेको छ । यो रोवर्टको नाम ‘चु रोङ्ग रोभर’ राखिएको छ । बीबीसीका अनुसार अन्तरिक्ष रोबोट शनिबार मंगल ग्रहमा सफलतापूर्वक अवतरण गरेको हो । चाइना नेशनल एडमिनिस्ट्रेशनले यसको पुष्टी गरेको छ । चीनले मंगलग्रहको अभियानलाई ठूलो सफलताका रुपमा लिएको छ । पौराणिक अग्नि र युद्ध देवताको नामबाट चीनले रोबोटको नाम ‘चु रोङ्ग रोभर’ राखेको बीबीसीले लेखेको छ । यो रोबर्टमा ६ वटा पांग्रा जडान गरिएको छ ।
‘चु रोङ्ग रोभर’ मंगल ग्रहको उत्तरी गोलार्धको युटोपिया प्लेनेशियाको समतल भागमा अवतरण गरेको समाचारमा उल्ले छ । युटोपियाबाट रोभरले मंगल ग्रहका तस्वीर पठाउने बताइएको छ । चीन पछिल्लो दिनमा अन्तरिक्ष सम्बन्धि अनुसन्धानमा निकै माथि पुगिसकेको छ । यसलाई अमेरिकालाई चूनौति दिइएको रुपमा समेत लिइन्छ । चीन अहिले आफ्नै अन्तरीक्ष स्टेशन निर्माणमा समेत जुटेको छ । चु रोङ्ग अन्तरिक्ष रोबोटले मंगल ग्रहबाट सूचना संकलन र तस्वीर पठाउन सकेमा मंगल ग्रहबारे थप अनुसन्धानमा समेत चीनले सफलता प्राप्त गर्न सक्ने बताइएको छ ।