काठमाडौं । विश्वभर तीन अर्ब ३२ करोड ६५ लाख ४० हजार २३१ डोज कोरोनाविरुद्ध खोप खपत भएको छ । राससले समाचार एएफपीलाई उदृत गर्दै जनाए अनुसार यस्तो खोप चीनमा मात्र एक अर्व ३३ करोड १६ लाख ७९ हजार डोज खपत भइसकेको छ । चीन सर्वाधिक खोप लगाउने मुलुक हो । दोस्रो स्थानमा भारत छ । भारतले अहिलेसम्म ३६ करोड ८१ लाख १२ हजार ११३ डोज कोरोनाविरुद्ध खोप लगाएको छ ।
अमेरिकामा ३३ करोड ५ लाख ६० हजार ७३५ डोज कोरोनाविरुद्ध खोप लगाइएको छ । ब्राजिलमा १० करोड ३० लाख ६२ हजार ६०९ डोज कोरोना भाइरसविरुद्ध लगाइएको छ । बेलायतमा आठ करोड २ लाख १२ हजार ६६८ डोज कोरोना भाइरसविरुद्ध खोप लगाइएको छ ।
जर्मनी सात करोड ८६ लाख ७२ हजार ९२ डोज कोरोनाविरुद्ध खोप लगाइएको तथ्यांक छ । पोल्याडमा छ करोड ७ लाख ५९ हजार ७४४ डोज कोरोना भाइरसविरुद्ध खोप लगाइएको छ । फ्रान्समा पाँच करोड ७२ लाख ७९ हजार १९८ डोज कोरोनाविरुद्ध खोप लगाइएको छ ।
टर्कीमा पाँच करोड ५४ लाख ६३ हजार ४०० डोज कोरोना भाइरसविरुद्ध खोप लगाइएको छ । इटाली पाँच करोड ५४ लाख ५६ हजार २७६ डोज कोरोनाविरुद्ध खोप लगाइएको छ । धनी मुलुकको तुलनामा गरिब मुलुकहरुमा भने खोपको वितरण दयनीय अवस्थामा छ । सानो जनसंख्या भएको नेपालले अहिलेसम्म २० लाख मानिसलाई समेत दोहोरो खोप दिन सकेको छैन ।