काठमाडौं । नेपाललाई चीन सरकारले अनुदानमा दिएको थप १० लाख डोज खोप लिन नेपाल एयरलाइन्सको चार्टर जहाज आज बेइजिङ उड्दैछ । जहाज राती ११ बजे बेइजिङ जाने त्रिभुवन विमानस्थल कार्यालयको तालीकामा उल्लेख छ । चिनियाँ राष्ट्रपति सी जिङपिङले राष्ट्रपति विद्यादेवि भण्डारीसँगको टेलिफोन वार्तापछि खोप सहायता घोषणा गरेका हुन् ।
यससँगै अब चीनले नेपाललाई अनुदानमा दिएको खोपको डोज कुल १८ लाख पुगेको छ । चीनले यसअघि ८ लाख डोज खोप दिइसकेको छ । यो जहाज मंगलबार दिउँसो साढे २ बजे काठमाडौं अवतरण हुनेछ ।