काठमाडौं । भारतपछि अब चीनले समेत नेपाललाई कोरोना विरुद्धको खोप अनुदानमा दिने भएको छ । नेपाली संचारमाध्यमहरुले चिनियाँ दुतावासलाई उदृत गर्दै यसको पुष्टी गरेका छन् । नेपाल सरकारको आग्रहमा चीनले नेपाललाई खोप उपलब्ध गराउने भएको हो ।
यसअघि भारतले दिएको १० लाख डोज कोरोना खोप प्रमुख प्राथमिकतामा रहेका व्यक्तिहरुमा लगाउने क्रम जारी छ । आइतबारसम्म ८८ हजार मानिसले कोरोनाको खोप लगाइसकेका छन् ।
चीनले समेत कोरोना खोप दिएसँगै नेपालमा खोप लगाउनेको संख्यामा समेत वृद्धि हुने भएको छ । चीनले आफ्ना नागरिकलाई खोप लगाइसकेको छ । यद्दपी उक्त मुलुकले व्यवसायिक रुपमा भने खोप वितरण थालिसकेको छैन ।