काठमाडौं । आगामी मंसिर ४ गते स्थानीय तहको चुनाव हुने दिन १ दर्जन बढी क्षेत्रका व्यक्तिले सवारीसाधन चलाउन अनुमतिपत्र लिनु नपर्ने भएको छ ।
निर्वाचन आयोगका सो दिन अत्यावश्यक सेवा अन्तर्गत विभिन्न क्षेत्रका सवारीसाधन पास नलिई चलाउन पाइने व्यवस्था गरेको हो ।
आयोगका अनुसार एम्बुलेन्स, खानेपानीको ट्याङ्कर, दमकल, दूरसञ्चार सेवा, शव बाहन, अस्पताल सेवा तथा विद्युत सेवा जस्ता अत्याश्यक सेवा, संचार माध्यम र कुटनीतिक नियोग (नम्बर प्लेटमा सिडी) उल्लेख भएको कुटनीतिक नियोगको सवारीसाधनले पास लिनुपर्दैन।
यस्तै, शारीरिक अपाङ्गता भएका व्यक्तिहरुलाई पनि मतदान केन्द्रसम्म पुग्न सवारीको प्रयोग गर्न पाउने छन् । यस्तै अन्तर्राष्ट्रिय हवाई उडानको माध्यमबाट यात्रा गर्ने यात्रुले पासपोर्ट, भिसा र हवाई टिकटको माध्यमबाट विमानस्थलसम्म र विमानस्थलदेखि बासस्थानसम्म आवागमन गर्न दिने भएको छ।
यस्तै, अन्य सवारी साधनहरुलाई पनि सम्बन्धित जिल्लाका प्रमुख जिल्ला अधिकारीले अनुमति दिने गरी अधिकार दिइएको छ।