काठमाडौं । काठमाडौंमा छुरा प्रहारबाट एक जनाको हत्या भएको छ । काठमाडौंको मनमैजुमा छुरा प्रहार गरी नुवाकोटका लक्ष्मण तामाङको हत्या भएको हो । हत्यामा संलग्न रहेको आरोपमा प्रहरीले मुख्य अभियुक्त आङदोर्जे शेर्पालाई नियन्त्रणमा लिएको छ ।
शुक्रबार राति साढे ८ बजेतिर एक खाजा घरमा दुई पक्षबीच विवाद हुँदा तामाङलाई छुरा प्रहार भएको थियो। गम्भीर घाइते भएका उनको ग्रीनसिटी अस्पतालमा उपचारका क्रममा ज्यान गएको हो । तामाङ गोंगबु सुकुम्वासी टोलमा बस्दै आएको प्रहरीले जनाएको छ । मूख्य अभियुक्त शेर्पालाई शुक्रबार साँझ नै पक्राउ गरेको हो । घटनाबारे अनुसन्धान भइरहेको प्रहरीको भनाई छ ।