काठमाडौं । जजिरा एयरवेजले भैरहवामा फुल सिट यात्रुसहित उडान गरेको छ । जजिराको जहाज शनिबार गौतमबुद्ध विमानस्थलमा अवतरण गरेको छ । यो जहाजमा कुवेतबाट १७१ जना यात्रु आएका छन् । भैरहवाबाट १६८ जना यात्रु कुवेत उडेको विमानस्थल प्रशासनले जनाएको छ ।
जहाज पुरै क्षमतामा आउँदा व्यवसायी, एयरलाइन्स कम्पनी र प्रशासन उत्साहित भएका छन् । यसअघि पनि जजिराले यस विमानस्थलमा उडान गरेको थियो । जजिराले अब मंगलबार, बिहीबार र शनिबार नियमित उडान गर्ने तय भएको छ ।