टोकियो (एपी) । उत्तरी जापानको फुकुशिमाको तटमा बुधबार साँझ आएको शक्तिशाली ७.३ म्याग्निच्युडको भूकम्पपछि सुनामीको सूचना जारी भएको छ । भुकम्पका कारण विद्युत आपूर्ति बन्द हुँदा टोकियो क्षेत्रमा रहेका २० लाखभन्दा बढी घरमा अन्धकार छाएको छ । भुकम्प गएको यो क्षेत्र उत्तरी जापानको भाग हो जुन ११ वर्षअघि ९.० रेक्टर स्केलको भूकम्प र सुनामीले क्षतिग्रस्त भएको थियो ।
भूकम्पले फुकुशिमा प्रीफेक्चरलाई असर गरेको एसोसिएटस् प्रेसको लागि मारी यामागुचीले जनाएका छन । प्रीफेक्चर एउटा ठूलो आणविक उर्जा केन्द्र हो जहाँ २०११ को भूकम्पले ठूलो विपत्ति ल्याएको थियो । बुधबार गएको शक्तिशाली भूकम्पले भवनहरू हल्लाएको थियो । यहाँ रेल सेवा समेत अवरुद्ध भएको छ ।