टोकियो । जापानले थप यात्रा प्रतिवन्धको घोषणा गरेको छ । आफ्नो मुलुकभित्र करीव नियन्त्रणमै रहेको कोरोना भाइरसको संक्रमण मुलुक भित्र फैलन नदिन भन्दै जापानले बिदेशी नागरिकको प्रवेशमा प्रतिबन्ध लगाएको हो ।
जापान सरकारले ७३ देशका नागरिकलाई आफ्नो देश आउन रोकेको छ । प्रधानमन्त्री सिन्जो आवेले यस्तो घोषणा गरेका हुन् ।
उनकाअनुसार अमेरिका, क्यानडा, चीन, दक्षिण कोरिया, दक्षिण पूर्वी एशियालगायत मुलुकबाट मानिसहरु जापान आउन पाउनेछैनन् ।
अत्यावश्यक बाहेकका भ्रमण नगर्न उले स्वदेशी नागरिकलाई समेत आह्वान गरेका छन् ।
जापानको राजधानी टोकियोमा बुधवार कोरोना भाइरसका ६५ संक्रमित भेटिएपछि जापानले विदेशी नागरिकमाथि कडाई गरेको हो । जापानमा मङ्गलवार ७८ जना नयाँ संक्रमित भेटिएका थिए ।
जापानमा अहिले सम्म कोरोना बाट संक्रमितको संख्या करीव तिन हजार पुगेको छ । यहाँ ७८ जनाको मृत्यु भएको छ ।