बिष्णु सिंह, न्युयोर्क
गत १५ नोभेम्बरमा जिपी कोईराला फाउन्डेशन अमेरिका च्याप्टरको आयोजनमा न्यूयोर्क क्विन्सस्थित उडसाईड्समा रहेको आफ्नै कार्यालय हातामा न्युयोर्क ब्लड सेन्टरसँग सहकार्य गरी एक वृहत रक्तदान कार्यक्रम गर्यो। कार्यक्रम विहान ११ बजे शुरुभएर साँझ ६ बजेसम्म जारी थियो। कार्यक्रममा ९२ जनाले रक्तदानको इच्छा देखाए पनि स्वास्थ्य जाँच पश्चात ६१ जना दाताले मात्र रक्तदान गर्न सफल हुनुभयो।
एकजनाले दान गरेको एक पीन्ट स्वच्छ (५०० मिलीलीटर) रगतले ३ जनाको रगत अभावको कारणले जोखीममा परेको ज्यान जोगाउन सकिन्छ। यस हिसाबले ६१ नेपाली रक्तदाताको रगतले ३०५ जनाको जीवन बचाउन सफल हुने देखिन्छ।
फाउन्डेशनका प्रवक्ता रामचन्द्र अधिकारीले आफुलगायत फाउन्डेशन परिवारले न्युयोर्क ब्लड सेन्टरसँग कार्यक्रमको टुंगो लगाएपछि निरन्तर समाजका ईच्छुक र योग्य रक्तदाता महानुभावहरुसँग सम्पर्क र संवाद गरि खटिनुको परिणाम नै आजको रक्तदान वृहतरुपमा सम्पन्न हुनु हो भन्दै आगामी दिनहरुमा पनि फाउन्डेशनले समाजका लागि मानवीय कार्यमा अझ सकृय भुमिका निर्वाह गर्नेकुरा प्रष्ट पार्नुभयो।
फाउन्डेशनका कार्यसमिति सदस्य ध्रुव कुँवर क्षेत्री फाउन्डेशनका तर्फवाट रक्तदान कार्यक्रम संयोजकको भुमिकामा खटिनुभएको थियो। सो कार्यक्रममा एनआरएनए अमेरिकाकी सचिव लक्ष्मीथापा, कम्युनिटी नेता एंव छाँया सीडीसीका कम्युनिटी डाईरेक्टर उर्गेन शेर्पा, क्विन्स रोटरी क्लबका अध्यक्ष कर्मा लामा, सुदुर पश्चिम समाज अमेरिकाका पुर्व अध्यक्ष एंव सल्लाहाकार राम बहादुर देउवा लगायतले रक्तदान गरी कार्यक्रम आयोजकलाई संस्थाको तर्फबाट यो पुण्य कार्यको लागि धन्यवाद दिनुभएको थियो भने न्युयोर्क च्याप्टरका अध्यक्ष वाशु लामिछाने उपस्थित भै रक्तदातालाई हौसला प्रदान गर्दै प्रमाणपत्र वितरण गर्नुभएको थियो। फाउण्डेशनको प्रथम पटक रक्तदान कार्यक्रम भव्य र सभ्य रुपले सफलतापुर्वक सम्पन्न भएकोमा खुसी व्यक्त गर्दै सबै रक्तदाताहरु, स्वयंसेवकहरू, विभिन्न संघसंस्थाका अध्यक्षज्युहरु तथा प्रतिनिधिहरू, प्रायोजकहरू, पत्रकारहरु र फाउण्डेशनका साथीहरुलाई धन्यवाद एवं आभार प्रकट गर्नु भयो।
फाउन्डेशनका अध्यक्ष सोमनाथ घिमीरे र कार्यसमितिका पदाधिकारीहरु क्रमश: राजेश आचार्य, प्रेम अधिकारी क्षेत्री, सुर्य सिंमखडा, फुदोमा शेर्पा, हिरा तामाड॰ एवं स्वयंसेवकहरु क्रमश: शेखर कार्की, टेक कार्की, लाक्पा जी शेर्पा, आड॰तुला शेर्पा गुरुड॰, डा. रमेश चित्रकार लगयत बिहान शुरुदेखि नै कार्यक्रम चरणबद्ध रुपमा सफलपार्न लागीपरेका थिए भने न्युयोर्क ब्लड सेन्टरका आबद्द कर्मचारी एवं स्वास्थ्यकर्मीहरु उत्साहपुर्ण रुपमा क्रमशः लामबद्द रक्तदाताहरुलाई सेवा दिईरहेका थिए।