काठमाडौं । नेपाल र जिम्बाब्वेबीचको खेलमा सोमबार समेत वर्षा बाधक बनेको छ । नेपाल भ्रमण रहेको जिम्बावे ‘ए’ र नेपाली राष्ट्रिय क्रिकेट टिमबीचको दोस्रो टी–२० खेल वर्षाका कारण रद्द भयो । कीर्तिपुरस्थित त्रिवि क्रिकेट मैदानमा टस हारेर पहिले ब्याटिङ गरेको जिम्बावेले ४.३ ओभरमा ब्याटिङ गरिरहदा खेल वर्षाले रोकिएको थियो। जिम्बाबेले २ विकेटको क्षतिमा ४३ रन बनाएको स्थिति थियो।
बलिङमा नेपालका सोमपाल कामी र करण केसीले १–१ विकेट लिएका थिए । यसअघि आइतबार भएको पहिलो टी–२० खेलमा जिम्बावे विजयी भएको थियो। सिरिजको अन्तिम खेल बुधाबार हुँदैछ । त्यसपछि एकदिवसीय सिरिज हुनेछ। एकदिवसीय खेलहरू वैशाख २३, २४ र २६ गते तोकिएको छ ।