काठमाडौं । जोन्सन एण्ड जोन्सन कम्पनीको कोरोना विरुद्धको खोप अमेरिकामा प्रयोगको अनुमति पाएको छ । यो खोप एक डोजमात्र लगाए पुग्ने भएको छ । जोन्सन एण्ड जोन्सनले उत्पादन गरेको कोरोनाविरुद्धको खोप आम आम मानिसले प्रयोग गर्ने फ्रिजमा समेत भण्डारण गर्न सकिने र एक डोजमात्रै लगाए मात्र पुग्ने अमेरिकी संचारमाध्यमले जनाएका छन् । यो खोपलाई अनुमति दिने अमेरिका संसारको पहिलो देश बनेको छ ।
अमेरिकाले फाइजर र मोडर्ना खोपको प्रयोग भने यस अघि नै खुला गरिएको छ । फाइजर र मोडर्ना खोपलाई भण्डारण गर्नमा भने उच्च स्तरको डिप प्रिmज आवश्यक पर्छ । ती खोप दुई पटक लगाउनु पर्छ । कम्पनीले जुन महिनाको अन्तिमसम्म अमेरिकामा १० करोड डोज खोप उपलब्ध गराउने बताएको छ । अमेरिकामा अहिले खोप अभियान जारी रहेको छ ।