इस्तानबुल । टर्की र ग्रिसमा गएको शक्तिशाली भूकम्पबाट कम्तिमा २२ जनाको मृत्यु भएको छ । सयौं मानिस घाइते भएका कारण मृतक संख्या बढ्न सक्ने आंशका गरिएको छ । भूकम्पले घरहरु भत्कदा मानवीय क्षति भएको हो ।
टर्कीको एइजिन तट र सामोसको ग्रिस टापुको उत्तर केन्द्रबिन्दु भएर ७ रेक्टर स्केलको भूकम्प गएको अमेरिकी भौगर्भिक सर्वेक्षण यूएसजीएसले उल्लेख गरेको छ । उता, टर्कीले भने ६ दशमलव ६ रेक्टर स्केलको भूकम्प गएको उल्लेख गरेको छ ।
भूकम्पका कारण टर्कीको इज्मिर प्रान्तमा २० जनाको ज्यान गएको । यहाँ ७ सय ८६ जना घाइते भएको तथ्यांक आएको छ । सामोसमा दुई जनाको ज्यान गएको छ। भूकम्पपछि सुनामी उठेको र यसले इज्मिर र सामोसमा बाढी पसेको अन्तर्राष्ट्रिय संचारमाध्यमले लेखेका छन् ।