काठमाडौं । टर्की र ग्रीसमा शक्तिशाली भुकम्प गएको छ । ग्रीक टापु सेमोसदेखि उत्तरमा पर्ने टर्कीको इजिआन तटीय क्षेत्रमा शक्तिशाली भूकम्प गएको बीबीसीले उल्लेख गरेको छ । अमेरिकी भूगर्भ निकायका अनुसार यहाँ नेपाली समय अनुसार शुक्रबार साँझ ७.० म्याग्निट्युडको भूकम्पको धक्का महसुश गरिएको हो ।
यसको धक्का एथेन्स र इस्तानबुलसम्म भएको बीबीसीले लेखेको छ । अहिलेसम्म मानिसहरु मरेको खबर आएको छैन । तर, भवनहरु भत्किएको भिडियो र तस्वीर भने सामाजिक संजालमा आइरहेका छन् । टर्की भूकम्पबाट बढी प्रभावित मुलुकमध्ये एक हो ।