काठमाडौं । काठमाडौंको टोखामा टिपरको ठक्करबाट दुई जनाको मृत्यु भएको छ । एक जना घाइते भएका छन् । प्रहरीका अनुसार टोखा नगरपालिकामा टिपरले मोटरसाइकललाई ठक्कर दिएको हो ।
गएराति पौने ११ बजे बा २ क ३४६६ नम्बरको टिपरले प्रदेश ३–०२–०१० प ७२२१ नम्बरको मोटरसाइकललाई ठक्कर दिँदा मोटरसाइकल चालक नुवाकोटको बेलकोट नगरपालिका ६ का २६ वर्षका सन्तोष अधिकारी र मोटरसाइकलको पछाडि बस्ने त्यहीँ ठाउँका २२ वर्षका दिपेश थापाको घटनास्थलमा नै ज्यान गएको हो । मोटरसाइकलकै पछाडी बसेका ३० वर्षिय सागर खतिवडा घाइते छन । उनको शिक्षण अस्पताल महाराजगञ्जमा उपचार जारी छ ।