३ भदौ, वासिंटन डिसी । यूक्रेन र रूसबीच बीच शान्ती सम्झौताका विषयमा यूक्रेनी राष्ट्रपति भ्लादिमिर जेलेन्स्की र यूरोपेली नेताले अमेरिकी राष्ट्रपति डोनाल्ड ट्रम्पसँग ह्वाइट हाउसमा भेटवार्ता गरेका छन् । भेटपछि जेलेन्स्कीले राष्ट्रपति ट्रम्पसँग लामो वार्ता भएको जानकारी दिए । जसमा सुरक्षा ग्यारेन्टीसहित थुप्रै मुद्दामा चर्चा भएको उनको भनाई छ । उनका अनुसार अमेरिकाले यूक्रेनको सुरक्षाको ग्यारेन्टीको मागमा समर्थन गरेको छ ।
युद्ध बन्दी र नागरिकको रिहाईका विषयमा समेत सहमति बनेको छ । जेलेन्स्कीका अनुसार राष्ट्रपति ट्रम्पले रूस र यूक्रेनका बीच संवेदनशील मुद्दा हल गर्न थप एक बैठक आह्वान गर्न सहमत भएका छन् । यसका लागि युक्रेनले आभार जनाएको छ । उनले रूस र यूक्रेनबीच द्विपक्षीय बैठकको समर्थन गर्दै त्रिपक्षीय बैठकका लागि समेत तयार रहेको जानकारी दिए । यद्दपी यस्तो बैठकबारे भने कुनै छलफल भएको छैन । उनले युक्रेनी नेताहरुलाई समेत धन्यवाद दिए । जो उनीसँगै ह्वाइट हाउस पुगेका थिए ।
